ارجوك ابعد عـن عيونـي .. وانسانـي
مابيك تبقى وسط قلبـي .. ولـو ساعـه
مابيك .. دامـك نسيـت ادروب عنوانـي
واترك خفوقي ترى مـا يفيـدك اقناعـه
ماتذكر أحلـى الليالـي .. يـوم تبغانـي
يوم إنك تقول : ( روحي فيـك ملتاعـه )
يومك تخبّر جميع الناس : ( سلمانـي !!
لآيمكـن ذراع يـدّي يتـرك ذراعــه)
صرت أتساءل .. ياربـي ليـه أبكانـي !
وش صايرٍ له ..! وش اللي غيّر اطباعه !
ليه الجزاء بالإساءه ..! وين الإحسانـي !
من قـال لـك زوّد لهالقلـب أوجاعـه !
ماكنـت متوقـعٍ فـي يــوم تجفـانـي
حتـى مشاعـرك للإحسـاس خـداعـه
آهديـت لـك مـرّه بـوقـتٍ مسيّـانـي
أبيات منّي .. ومعها عطرًٍ .. وسَاعـه !!
ومعهـا ورودٍ لـهـا ريــحٍ وألـوانـي
جوري وياقوت .. وباقي الورد بانواعـه
آهديت لك .. يوم كنت إنسـان يهوانـي
يوم إنّ ردّك لصوتـي .. سمـعٍ وطاعَـه
ابتركك .. وانـت دوّر لـك علـى ثانـي
غـلاك فـي داخلـي لا يمكـن إرجاعـه
بروح عنّك .. وعـش دنيـاك وحدانـي
مجبـور أخليـك .. دام النفـس طمّاعـه
لاتحسـب انـي ابحـزن يـوم تنسانـي
فرحـان دام إن قلبـك .. خافقـي باعـه

يسٍسٍسُلموْ عآلطرحْ
ربيٍ يعطيككً آلف صحةة وعآفيةةٍ

تسلم الايادي