زمن الصفيح يا عم
خلى عيشتنا غم
والناس ولاد ال...
فقدوا الشعور والدم

حكموا البلد بالنار
خلوا حياتنا مرار
والظلم ليله طويل
ما باينش فيها نهار

جنيهنا كمان مسكين
ياما أخد سكاكين
سعره بسدس دولار
إيه تعمل الملايين

رغيفنا سواده كثيف
وزنه خسيس وخفيف
تقف الطابور في الصبح
زَِقْ وزحام يا لطيف

والقمح مستورد
وفلوسنا تتورد
وقلوبنا تتقطع
وشقانا يتبدد

ها تجيب خروف العيد
م الصين بسعر جديد
ميد إن إتشينا
بعَجَل ورجل حديد

واللحمة يا معلم
إياك وتتكلم
بتلاتين وشويه
مالك كده مبلم

قميص بميايه
سموه تشرتايه
والباقي يبقى بكام
ما تعد ويايه

إسمع كلام مني
خد المفيد عني
قِل الكلام والرغي
وافهم بأه فني




تحيااااااااااااااااااااااااااااااااااااااااااااتي
سيد عبدالرحمن سليمان المنفلوطي

يسسسلمو عآلطرح
ربي يعطيك الف عافية