اي عريس اختار؟؟؟

الأول :مهندس ***
سالته شو هدفك ؟؟ قلي الحمدلله عندي كذا وكذا وووو..وعم اشتغل شغلة بدي احصل فيها على براءة اختراع مشان اسم الاسلام (فأنا طرت من الفرح)
سألته بتصلي ؟؟ قلي بكل صراحة لأ!!! قلتله ليش ؟ قلي هي شغلة بيني وبين ربي .. المهم ماعم أذي حدا!!!! بس خلص ان شاء الله بس نتزوج بدي التزم!!!!

التاني : صيدلاني .. يدرس طب الأعشاب ..
قلتله ليش ؟؟ قلي عم يكتشفوا انه العلاجات الكيميائية كلها غير حقيقية وعم يتجهوا للاعشاب وفي كتييييير من الاحاديث الشريفة بتحكي عن هالأمر!!!!
سالته شو رايك بصناع الحياة؟؟ قلي هدول كلام فاضي!!!(بس هو من صناع الحياة وماله خبر!!!)

التالت :مركز علمي واجتماعي ومادي وووو كله تمام...
سالته ليش بدك تتزوج؟ قلي : حلمي استقر ويصير عندي زوجة وأولاد ونروح ونجي وسهرات وحفلات ووو....قلتله بس؟؟ قلي شو في احلى من هيك؟؟ (يعني هي الدنيا عنده)

الرابع : سالتني امه ليش هيك حجابك ملون؟؟(مارديت)
سألني : انتي بالجامعة .. بتحكي مع شباب ؟؟ قلتله اي بس كل شي بحدود.(قام زورني )..
هو وموجود أذن المغرب ... ورح يروح وقته قلتله مابدك تصلي ؟؟ قلي :اي صح ...
رحت لصلي أنا ... قام مابشوف غير امه فوق راسي عم تراقبني كيف بصلي !!!
المهم فهمت منه أنه شغله بطلب منه يسافر كتير..
قلتله شو أول شغلة بضبها معك ؟؟ عد وسأل بشغلات فاضية كتير ... قلتله : والقرآن؟؟
قلي : لأ أنا الحمدلله حافظ صحيح البخاري و20 جزء من القرآن ..(أنا كيّفت )
فقلتله:طيب شو أكتر آية بتحبها وبتحمسك للعمل؟؟؟ جمد الشاب بارض !!!
طيب بتحس حالك عمتطبق كل هالأمور الرائعة اللي حافظها؟؟؟
قلي هلأ بحفظ وبعدين التطبيق المهم يكون القرآن بقلبي!!!ياعيني و جوارحك؟؟
قلي هي شغلات ثانوية منحكي فيها بعدين !!!!!!!!!!!

اكيد ملطوش والعروسة مو انا هههههههه
بدي ارائكم اي عريس تختار ؟؟؟؟؟؟؟؟؟؟

شكرا لك على مجهودك الرائع