قالوا مهندقلت [ قلبي ] مع محمد
قالولي يحيى قلت [ روحي ] بسلطآن





كلي وطن لزين ( الاماراتي ) مجند
في غترته .. في رزته القلب هيمآن



عيني عليه ... وغير زوله مفند
ماعآش من حط راسه بـ قرمان !!




لآقال لي ولهآن وشوقي تجدد
سمي عسى مآشر ترى البآل قلقان




وش لي بحكي اترآك نصه مقلد !!
عيون شهب ورجولة(ن) مالها شآن




وش لي بـ رخوم(ن) كـ خشب مسنّد
شكل(ن) حسن ماله من العز أوطان !!



تميم .. محمد .. سآمي.. ياسر .. مؤيد
يآآآآخلق وربي مابين الفريقين شتان !




نظره من عيون ( الاماراتي ) تهدد
تهز منهو حآول الشين .. أو هان




ثوب(ن) بيآضه بالنقاوه تجدد
وعقال(ن) سواده حآلك الليل فتآن



في بسمته لذه ويسبيني الا عنّد
يجعلك في عزته .. في هيبته حيران




في نخوته طيح عقاله وتوعد
في فزعته قومة شيوخ(ن) وفرسان




أموووت بتراب ( الاماراتي ) وأردد
يامدور على غيره من الناس غلطآن




ياعسى خطوات ( الاماراتي ) تسدد
وياجعل ناوي له بالمكاييد خسران