بسم الله الرحمن الرحيم
--------------
هو موضوع يمكن يعتقد البعض انه غير مهم
لكن واقع الامر انه فى غاية الاهمية
هو بيخص موضوعات الاعضاء
الموضوعات اللى بيكتبها العضو بقلمه
طبعا بيتعب فيها العضو
وممكن تكون عنده ملكة الكتابة وهى هبة من الله تعالى
بيتفاجا العضو بموضوعه فى منتديات اخرى كثيرة
بدون ذكر المصدر
ينسبها اللى نقلها لنفسه
وبكل سهولة بياخدها copy+past
كان لى موضوعين وكانوا اكتر موضوعين باعتز بيهم
موضوع اسمه صرخة حياة..والتانى اسمه قطار منتصف الليل
لما سجلت هنا فى تعب قلبى وجيت انزلهم
تم حزفهم لعدم التكرار لان اعضاء تانية نزلتهم
ويمكن المشرف او المشرفة قالى فى رسالة:
فيما معناه انه ميصحش انسبهم لنفسى لانهم مش بتوعى
المهم اعطيته الرابط الاصلى للموضوع وقلت له انظر التاريخ
يعنى طالما هو موضوعى هيكون باقدم تاريخ
المهم المشرف اتاكد من التاريخ
اللى اقصد اقوله انى لما فكرت شوية لقيت انه انتشار الموضوع
احسن من وجهة نظر المصلحة العامة
لان فى الانتشار افادة للقراء فى كل مكان فى الدنيا
لانه اسرع وسيلة انتشار هى النت
حاجة تانية انه ممكن يكون انسان بيحب الكتابة لكن خايف انه
موضوعه ميلاقيش قبول
فالافضل اننا نشجعه ونتغاضى عن خجله من عدم ذكر المصدر
عارف انه مش عيب انه يقول انه منقول
لكن مش كل الناس زى بعض
وانا عن نفسى لما بدات اكتب كنت خايف
وكنت باستعين ببعض المصادر اللى ساعدتنى
ايامها لقيت تشجع من جهة..وهجوم من جهة احرى
اللى شجعنى اعطانى ثقة...واللى هاجمنى سبب لى احباط فى اول المشوار
المهم انه السبب الاصلى لكتابتى الموضوع ده يوم ماقامت الثورة فى مصر
عملت موضوعين واتنقلوا بسرعة الصاروخ
ووصل الامر انهم اطبعوا وتوزعوا فى ميدان التحرير
عرفت ساعتها قيمة النت
وقيمة ان موضوعك ينتشر
اخى الفاضل
اختى الفاضلة
قبل ان تحزن من سرقة موضوعك لم اكن اريد ان اقول سرقة
لكن البعض يسميها هكذا
فكر اخى
فكرى اختى
فى قيمة انتشار موضوعاتكم
قيمة التاثير الجيد على القارىء
احسب كام انسان يستفيد ويستمتع بموضوعك
هذا الموضوع عبارة عن استفتاء
هل توافق على نقل موضوعك بدون ذكر المصدر؟؟؟
اوافق
لااوافق
لااهتم
انا ساصوت باوافق
قبل ان تصوت فكر فى قيمة ان تفيد الاخرين
راجع نفسك
دمتم فى رعاية الرحمن...،،،
الرئيسية 
الأحداث 
