خالد الصاوى يطالب بمحاكمة علنية للفقى والعادلى

طالب الفنان خالد الصاوى على صفحته الشخصية بموقع الفيس بوك بان تتم اعادة
تصحيح وتطوير وتطهير مصر كاملة في كل مكان وأن يتحلى الجميع بالإيجابية
ومحاكمة كل من أجرم في حق الوطن خاصة وزير الإعلام المصرى أنس الفقى ووزير
الداخلية حبيب العادلى وذلك فى محاكمة عاجلة وعلنية، حتى يتبين ما تستروا
عليه من فساد.

وجاء نص رسالة الصاوى على "فيس بوك" كالتالى : "وزير الإعلام المصرى توأم
وزير الداخلية فى النظام الفاسد.. ده أجرم فى جسد المواطن وده أجرم فى
عقله.. ده وده لازم يتحاكموا فورا فى محاكمات علنية ويفتحولنا كل الملفات
اللى تستروا عليها علشان نجيب اللى وراهم.. بالقانون وبدون وحشية فى
الانتقام.. مش لأنهم يستحقوا الرأفة، ولكن لأننا عاوزين نكمل مشوارنا
بمنتهى الحزم والصلابة صحيح ولكن بشكل متحضر يناسب ما أنجزه شعبنا العظيم".


وأضاف الصاوي في تعليقه علي صفحته عبر الفيس بوك " عاوزين تطهير.. في كل
حتة.. كل موقع عمل.. كل حي.. كل نقابة.. كل نادي.. كل جامعة وكل مدرسة.. كل
حزب.. كل جمعية.. كلنا عارفين الفساد بس كان القمع مانعنا.. دلوقتي كسرنا
القمع ونقدر نلاحق الفساد لحد ما نقضي عليه قبل ما يرجع يتحصن مننا تاني..
السلبية دلوقتي بقى حتخللي شكلك وحش قوي قدام ولادك بصراحة".


المصدر-ثقافة وفن