تبي الصرآحة ؟ عليك أغآر من ذاتك !
أغفر لي الذنب واغفر كل زلاتـك
الغيره اعمت عيوني وانت تدري بي
أبا اتغلى عليك وطول سكاتـك
ورديت غصب مارديت من طيبـي
أغار وأزعلك واشفق .. لضحكاتك
ضيعت ماعـاد أميز وش مـطاليبي !
شف حالتي مابقى لي غير شوفاتـك !
مجبور أنا فيك لو غيرك يهلـي بـي !
اقرا خفاياك لاطالعت نظـراتـك
واخاف قطع الرجا يامبيـح غيبـي
عطني أمل لاتقول الركب قد فاتـك
بعض المطر يسبقه عـج ولواهيبـي !
حلوة عيوبك وانا عشاق غلطاتـك
وعشقت شيبي لانك مظهر شيبـي
تبي الصراحة .. عليك أغار من ذاتك !
أغار واغتاظ .. هذي هي عذاريـبي !
للشاعر
سعود الفهد
الرئيسية 
الأحداث 
