شئ غريب حدث معى !!!
بسم الله الرحمن الرحيم
السلام عليكم و رحمة الله و بركاته
انا حاقول اصعب موقف و اغرب موقف مر علية
كان الكلام سنة حوالى كدة 2002
كنت لسة متجوز لية شهر
و العمارة كانت تحت الانشاء يعنى لسة فيها عمال
و ناس بتشطب شققهاو كلام من ده
و بجد الكلام ال بقولوا ده حصل فعلا
كان يوم جمعة
صحيت الصبح حوالى الساعة 9 على صوت حد
بيقول ألحأونى ألحأونى مش عايز اموت عندى عيال
و بعدين ...........
فتحت الشرفة بسرعة
لاقيت ناس واقفة فى الشارع كتير جداااا
بيقلولى الحق الحق نظرت امامى فاذا بى ارى اغرب منظر فى حياتى
وجدت فى الشقة المواجهة لى فى شباكها و كان بينى و بينها منور
و الكلام ده فى الدور الرابع علوى
وجدت رجل اسمه عم امين كان عامل شغال فى العمارة و كان بيبات فى هذه الشقة
يتدلى من الشباك و يوجد رجل اخر كان اسمه سمسم سباك داخل الشقة و يمسك به
بيد واحدة ، و عم امين يصرخ متسبنيش وسمسم يقوله أنا مش قادر لحظات مرت
علية تسمرت فى مكانى اتتنى خواطر و هواجس ماذا لو مات هذا
كيف سيكون حال زوجته و اولاده ،
وكيف ساعيش فى هذا المكان انا و زوجتى ، اسرعت الى باب الشقة فتحته
رايت رجل يصعد مسرعا ذهبنا الى باب الشقة الاخرى و اذا بالمفاجئة
وجدت الشقة مغلقة من الخارج بقفل طب كيف دخل هؤلاء الى الشقة
قال لى الرجل اسرع اعندك اى شئ نكسر به الشقة اسرعت و احضرت له شاكوش
كسر به القفل و اسرعنا الى الغرفة كانت قوى سمسم قد خارت و اوشك ان يترك الرجل
اخذنا انا و الرجل يد عم امين و رفعناه الى الشقة و تم انقاذه بحمد الله
ثم انهار و ظل يبكى
و بعد ما هدى
قولتلو ايه الحصل يا عم امين
قالى كان معايا صديقى بايت معايا و كان نازل الصبح شغله قولتلو اقفل علية
من برة بالقفل ؛ و انا نايم لاقيت سمسم داخل الشقة من الشباك احسبه حرامى
من اغير ما احس لاقيت نفسى باقفز من الشباك
و دى كانت اغرب حاجة حصلت معايا
***********
اللهم استرها معانا فى الدنيا و الاخرة
يا رب العالمين
الرئيسية 
الأحداث 
