وَمَنْ أَظْلَمُ مِمَّن ذُكِّرَ بِـَٔايَٰتِ رَبِّهِۦ فَأَعْرَضَ عَنْهَا وَنَسِىَ مَا قَدَّمَتْ يَدَاهُ ۚ إِنَّا جَعَلْنَا عَلَىٰ قُلُوبِهِمْ أَكِنَّةً أَن يَفْقَهُوهُ وَفِىٓ ءَاذَانِهِمْ وَقْرًۭا ۖ وَإِن تَدْعُهُمْ إِلَى ٱلْهُدَىٰ فَلَن يَهْتَدُوٓا۟ إِذًا أَبَدًۭا
57
وَرَبُّكَ ٱلْغَفُورُ ذُو ٱلرَّحْمَةِ ۖ لَوْ يُؤَاخِذُهُم بِمَا كَسَبُوا۟ لَعَجَّلَ لَهُمُ ٱلْعَذَابَ ۚ بَل لَّهُم مَّوْعِدٌۭ لَّن يَجِدُوا۟ مِن دُونِهِۦ مَوْئِلًۭا
58

بسم الرحمن الرحيم
اللهم افتح لنا فتوح العارفين
وانر بصائرنا واعيننا واهدنا الصراط المستقيم
اللهم ولا تجعلنا من الذين ضل سعيهم فى الحياة الدنيا وهم يحسبون انهم يحسنون صنعا
اللهم امين

ومن اظلم ممن ذكر بايات ربه فاعرض عنها

الايه واضحة مش محتاجة تفسير
انما محتاجة تدبر

يعنى :- الاكثر ظلما هو اللى حد ذكره بالله وباياته وطنش
وعمل نفسه مش واخد باله
واعرض عنها

ثوانى بقى
حضرتك (احترام وليس استهزاء)
ايو انت ! انت ايوة!

كام مرة حد ذكرك بالصلاة وبردة مقصر

اما بتاخرها عن وقتها

واما بتجمع كذا صلاة مع بعض

واما مش بتصلى اصلا

وحضرتك اللى مكسل تصلى فى الجامع

هو انت وهو وانتى كمان

محدش ذكركم قبل كدا بخطورة ترك الصلاة؟
محدش سمعك الايه دى:"فخلف من بعدهم خلف اضاعوا الصلاه واتبعوا الشهوات فسوف يلقون غييا"

محدش قال لك ان تاخير الصلاه عن معادها بدون عذر شرعى او جمعها بدون عذر شرعى
ان كبيرة وعقابة خطير

محدش سمعك قبل كدة الحديث دة

فعن أبي هريرة رضي الله عنه أن رسول الله صلى الله عليه وسلم قال: "والذي نفسي بيده، لقد هممت أن آمر بحطب فيحطب، ثم آمر بالصلاة فيؤذن لها
، ثم آمر رجلاً فيؤم الناس، ثم أخالف إلى رجال فأحرق عليهم بيوتهم، والذي نفسي بيده، لو يعلم أحدهم: أنه يجد عَرْقاً سميناً، أو مرماتين حسنتين لشهد العشاء" رواه البخاري ومسلم·
انظر في هذا الحديث: فقد همَّ الرسول صلى الله عليه وسلم أن يُحرِّق بيوتاً فيها رجال لا يشهدون الصلاة في المسجد، وفي رواية: لولا ما في البيوت من النساء والأطفال،
ثم يؤكد أن أولئك لو يعلمون أن مصالح مادية ومكاسب دنيوية سيجنونها من حضور الصلاة في المسجد لأتوها بلا تردد، ولكنهم قد منعهم ضعف الرغبة فيما عند الله من الثواب، ووهن العزيمة

معنى الكلام دة من الاخر ان حضرتك المفروض تنزل تصلى فى الجامع

كام مرة عرفت كدة وطنشت؟


طيب وانتى حبيبة قلبى
كام مرة حد لفت انتباهك وذكرك ان حجابك دة مش شرعى؟
كام مرة عرفتى ان لبسك يصف ومش فضفاض
كام مرة عرفتى ان المكياج اللى بتحطية دة حرام
كام مرة عرفتى ان البدى حرام
كام مرة حد نبهك على لبسك
كام مرة قريتى موضوع او سمعتى حلقة او كتاب

واعرضتى


وحضرتك كام مرة عرفت ان التدخين حرام
وانه من الخبائث وليس الطيبات

وبردة مصر
ومعرض

و أنت وانتى وانت وحضرتك و...........و........


فمن اظلم ممن ذكر بايات ربه فاعرض عنها ونسى ما قدمت يداه

اوعى تقول انا كدة كويس
انا كدة احسن من غيرى
وتكون باصص على احد اقل منك ايمانا
اياك ان تنسى ما قدمت يداك من معاصى وذنوب


انا جعلنا على قلوبهم اكنه ان يفقهوه وفى اذانهم وقرا

لما الحق يجيلك مرة واتنين و3 ولما حد يذكرك مرة و2و3
وتعرض وتعرض وتصر وتطنش
وتعمل نفسك مش عارف حاجة
ومش واخد بالك

احذر ممكن ربنا يختم على قلبك
وتبقى عاوز ترجع ومش قادر
نفسك تتوب ومش عارف

اصل ربنا ذكرك مرة و2و3و10 وانت معرض

احذروا ان يتراكم اكنه على قلبك

لما حد يذكرك مطنش لاء
حاول
وجاهد نفسك وخد قرار
وان وقعت بعدها
ارجع تانى متخفش
بس مطنش
متسوفش
متعملش الكلام مش ليك ولا عليك

طيب انا ذنوبى كتير
وبعمل وبسوى
طيب انا اعمل ايه دلوقتى
انت كدة سودتيها فى وشى
وخوفتينى
وكلام طوب من بدرى
خلاص بقى يعنى انا خلاص كدة
عمر ربنا ما هيهدينا ولا يتوب عليه؟
ولا ايه


لاء لاء لاء
اسمع الايه اللى بعدها

وربك الغفور ذو الرحمه

تب الى الله الان
استغفره الان
قرر وخد قرار التوبه الان
وربنا يغفر لك كل حاجة
والتائب من الذنب كمن لا ذنب له

وربنا قال:"وهو الذى يقبل التوبه عن عباده "

لا
دة كمان فى بشرى حلوة قوى

هاقول عليها علشان انا شديت عليكم شوية

فاهفرحكم قوووووووووووى
اسمعوا

"إِلَّا مَن تَابَ وَآمَنَ وَعَمِلَ عَمَلًا صَالِحًا فَأُوۡلَـٰٓئِكَ يُبَدِّلُ اللَّهُ سَيِّئَاتِهِمۡ حَسَنَاتٍ وَكَانَ اللَّهُ غَفُورًا رَّحِيمًا "

ايه ده يعنى ايه؟

يعنى لو تبت الان اهو
ربنا مش بس هيغفرلك ويقبلك ويرحمك لا دة كمان هيبدل سيائتك حسنات

بس فيه شرط علشان الصفقة تتم

ايه الشرط:-

إلا من تــــــــــــــــــــــــاب و أمن وعمــــــــــــــــــــل صالح

لازم تتوب يعنى تسيب الذنب وتقرر انك مش راجع له تانى وتندم على انك كنت بتقع فيه
وتعمل عمل صالح
وتؤمن بالله حق الايمان
تؤمن ان المعصية عليها عذاب والطاعة ليها جزاء
وتحقق الايمان

الاهم دلوقتى توب واعمل عمل صالح

لو ذنبك كان مثلا انك بتسمعع اغانى
يبقى تسيب سماع الاغانى وتمسحها من كل الاجهزة
وتقوم تنزل قران بدلها وتسمع شوية
وكمان تنشر موضوع على النت على الاغانى وتنزل قران
وتدعوا الناس لتوبة من الذنب دة


طيب انا مش بسمع اغانى ومش بشرب سجاير وبصلى
ولابسه حجاب

ايوة ماشى

بس كل واحد عارف ذنوبة كويس

ما انا مش لازم اكتب كل الذنوب

كل واحد عارف كويس ايه الغلط اللى بيعمله
وايه الذنب اللى بيرتكبة

كل واحد عارف كويس قوى

المهم

"قل يا عبادى الذين اسرفوا على انفسهم لا تقنطوا من رحمه الله ان الله يغفر الذنوب جميعا انه هو الغفور الرحيم"


ما كان من توفيق فمن الله
وما كان من خطأ او تقصير فمنى ومن الشيطان


والسلام عليكم ورحمه الله
ايـــــــــــــــــــه فى حدوته

موضوع رائع بوركت

موضوع رائع بوركت

موضوع رائع بوركت