لا تغرك ضحكتي وإلا أسلوبي
أعرف أعزاز النفوس من الرديه


كم وفوا لي ناس وكم ناس اغدروا بي
و كم **بت بطيب نيه سوء نيه

ناس من كثر المخادع ما تثوبي
وناسٍ بيضان وصداقتها نديه
و ناس أغلتني وناس أغلت جيوبي
وناسٍ اطالع ولكنها عميه

كل هذا والجروح تزيد صوبي
و المجامل والتملق والخطيه

ما يغير ضحكة الوجه الشحوبي
مد يمناه دوم ماهي بموسميه

ودي إني أعطي المحتاج ثوبي
وأعطي و لا أنتظر رد العطيه

ما أجمع العالم ولا قول اسمعوا بي
نفسي من أطراء خلق الله غنيه

في بعض الأشياء أتقدم و أنوبي
عن بني آدم جميع وعن بنيه
سجدةٍ تغفر بها كل الذنوبي
خير من عيش الحياة القاحليه

و يا مسولف بي على الطرق الكذوبي
عاقب الله من ظلم نفسٍ بريه

و يا صحيب الخير يا مثبت طنوبي
النصيحه روح الإيمان القويه

الصحيح من العيوب اللي تشوبي
قولها في الوجه والنية مطيه

بارك الله في من أهداني عيوبي
و أشكره جدا ً على هذه الهديه