مُستحيلْ..
آه مُستـحيـلْ
دا الكلام هُوَّه الجَـميلْ
وانْ صَدقْ كان لُه دليلْ.

مُستحيل حتكونْ..
جَرِئ
زي طير يَعْلى ف سمايا
مُستحيل حتكونْ..
بَرِئ
ده انْتَ إنسان في النِّهايا
مُستحيل حتكونْ..
لي آيه
أوملاكْ حَ يعيش معايا
مُستحيل حتكون..
شَبيه
واعمل أنا أيه بالمَرايا..!!.

عايزه حُبْ ..
وعايزه احَبْ
عايزه حُب ينادي قلبــــي
يَهزَّني من قَبلْ بابـــــي
يَحيي بالأشـــواقْ شبابـي
عايزه شئ مخلوق عشاني
وانْ بَعدْ يرجــعْ لي تاني
أصل انــــا قلبي أناني.

عايزه شئ صَعب المَنالْ..
شئ يَقـَـرَّبْ مَ الخَيالْ
صَمتُه هادي..
وفيه جَمالْ
رَقـَّـــتُه..
تَحرَّك جِبَالْ.


عايزه حُبْ..
وعايزه احَبْ
عايزه حُبأشوفُه..
أحسُّه من بَعيدْ
حُب يشعرني بسعاده
وكل مَ اشُوفه يــَـــزيدْ
وانْ صادفني حَ القى عُمري
والقى نفسي من جـــَـــديدْ.

بالمُختصـــــرْ يابَشـــــــرْ ..
عايزه شئ مَ المُستحيلْ
عايزه قلبْْ ..
عايزه قلبْ
قلب يحفظ لي هوايا
وهُوَّه دا أغلى مُنايا.

بقلم الكاتب/ الشاعرعبدالحميدالباجوري